أبطال الهمم.. مغامرات دكتور عقل والخارقون الأربعة
انطلق أبطال الهمم مع دكتور عقل والخارقون الأربعة في مغامرة جديدة حين اجتمعت إدارة المدرسة والتلاميذ للإعلان عن اسم الفائز بالقرعة التي ستمنح 1000 جنيه لدعم ريم وتأكيد استمراريتها في المدرسة.
فوجئت إحدى المعلمات عند إحضار أوراق القرعة بعدم وجود أثر للنقود، فشعرت بالفزع وأبلغت المديرة التي سارعت إلى إبلاغ دكتور عقل.
تحدث دكتور عقل مع الأطفال الأربعة، فأخبرته نغم بأنها سمعت صوت حذاء يخرج من الحجرة بينما كانت تجهز القرعة، ثم ألقى حكيم مكعباته على الأرض لتشير إلى اسم رامى، فسأل دكتور عقل عنه، فأجابه نور بأن رامى ولد حقود، لا يحب الخير لحد، وهو أكيد اللى خد الفلوس.
بدأ الفرسان الأربعة في البحث عن رامى داخل المدرسة، حتى عثروا عليه وهو يعدّ النقود، فشعر بالفزع وحاول الادعاء بأنه برىء وأنه عثر عليها بالصدفة وكان ينوى إعادتها إلى مديرة المدرسة.
تحدث معه دكتور عقل قائلًا: «رامى، أنت اللى أخذتها، والكاميرات هتثبت ده.. ليه عملت كده يا ابنى؟». وعندما أدرك رامى أن أمره قد انكشف، بكى نادمًا وقال: «أنا مش قصدى.. أنا بس عايز أطلع الأول على الفصل السنة دى، ولما عرفت حالة والد ريم وإنها ممكن ما تكملش فى المدرسة بسبب تعثره فى دفع القسط، فرحت، ولما عرفت إنكم بتجمعوا فلوس ليها، حاولت بكل الطرق إن الفلوس دى ما توصلهاش عشان أطلع الأول».
نظر إليه دكتور عقل وقال: «بص يا رامى، دى منافسة مش شريفة. وصدقنى يا ابنى، مش هتكون فرحان لما تتسبب فى حرمان زميلتك من المدرسة، ومش هتحس بطعم نجاحك لأنه مبنى على تعاسة غيرك. لازم تحب الخير لغيرك عشان تبقى مبسوط، وتساعد غيرك، وما تبقاش أنانى عشان تظل محبوب من اللى حواليك».